Агульныя звесткі

Афіцыйнае найменне:

поўнае - Установа адукацыі "Столінскі дзяржаўны аграрны каледж";

скарочанае - Столінскі дзяржаўны аграрны каледж.

Месцазнаходжанне: 225503 Рэспубліка Беларусь, Брэсцкая вобласць, г. Столiн, вул. Дзяржынскага, 123

Мэтамі дзейнасці "Установы" з'яўляюцца:

- садзейнічанне ўсебаковаму развіццю асобы, поўнай рэалізацыі яе творчых здольнасцей, падрыхтоўке да жыцця і адаптацыі ў грамадстве, фарміраванне ў навучэнцаў ідэйнай перакананасці, грамадзянскай культуры, адказнасці;

- стварэнне спрыяльных умоў для фізічнага развіцця асобы і ўмацавання здароўя навучэнцаў;

- фарміраванне нацыянальнай самасвядомасці грамадзяніна Рэспублікі Беларусь, ідэйнай перакананасці, грамадзянскай культуры, працавітасці, а таксама пачуцці павагі да іншых дзяржаў і народаў свету;

- выхаванне глыбокай павагі да дэмакратыі, як форме кіравання і існавання, якая дазваляе кожнаму грамадзяніну ўдзельнічаць у прыняцці рашэнняў, накіраваных на паляпшэнне грамадства;

- забеспячэнне сацыяльнай абароны навучэнцаў і ўстаноўленых заканадаўствам сацыяльных гарантый.

Задачы:

- стварэнне спрыяльных умоў і шырокіх магчымасцей для агульнага і прафесійнага станаўлення навучэнцаў, атрымання кожным навучэнцам высокага ўзроўню адукацыі і падрыхтоўкі па выбранай прафесіі у адпаведнасці з яго інтарэсамі і індывідуальнымі магчымасцямі;

- падрыхтоўка кваліфікаваных рабочых і спецыялістаў з сярэдняй адукацыяй, якія валодаюць эканамічным мысленнем, шырокім прафесійным кругаглядам, высокай агульнай культурай, нацыянальнай самасвядомасцю, здольных да творчай працы ва ўмовах розных форм уласнасці і гаспадарання, адказных за вынікі сваёй дзейнасці, ахову навакольнага асяроддзя;

- пастаяннае ўдасканаленне якасці падрыхтоўкі рабочых з улікам патрабаванняў сучаснай вытворчасці, перспектыў яе развіцця, дасягненняў навукі;

- забеспячэнне патрэбнасці прадпрыемстваў, арганізацый сельскагаспадарчай вытворчасці, сферы прадпрымальніцтва рэспублікі і рэгіёна ў падрыхтоўцы, перападрыхтоўцы і павышэнні кваліфікацыі працоўных, беспрацоўных і іншых катэгорый грамадзян, спецыялістаў з сярэдняй адукацыяй;

- прафесійная падрыхтоўка, перападрыхтоўка і павышэнне кваліфікацыі працоўных, беспрацоўных і іншых катэгорый грамадзян, якія жадаюць атрымаць (павысіць) кваліфікацыю рабочага (служачага) па дагаворах з арганізацыямі, службамі занятасці, асобнымі грамадзянамі.

У навучальным корпусе і вучэбна-вытворчых майстэрнях каледжа абсталяваны 21 навучальны кабінет, 12 майстэрняў, 5 лабараторый, два камп'ютарныя класы, два камп'ютарызаваныя класы ПДР, створана вучэбная база па падрыхтоўцы швачак, кухароў. У каледжы ёсць сталярны цэх, цяпліца, аўта- і трактарадром, пункт тэхнічнага абслугоўвання; у машынна-трактарным парку налічваецца 16 трактароў, амкадор, 2 збожжаўборачныя камбайны, 13 прычэпаў, 21 аўтамабіль. Актавая, спартыўная і трэнажорная залы, бібліятэка, сталовая на 100 месцаў, спартыўны гарадок, стралковы цір, медпункт, дзейнічае кабельнае тэлебачанне, добраўпарадкаваны інтэрнат блокавага тыпу - усё гэта дазваляе забяспечыць якасную прафесійную падрыхтоўку вучняў, заняткі па інтарэсах і паўнацэнны адпачынак у пазаўрочны час.

У інтэрнаце абсталяваны кабінеты псіхолага і сацыяльнага педагога, пакой псіхалагічнай разгрузкі, бытавыя, тэлевізійныя і гульнявыя пакоі.

Заняткі праводзяцца ў добра абсталяваных кабінетах і навучальных майстэрнях; у лабараторыях маюцца вузлы, агрэгаты, трэнажоры сельгастэхнікі і іншага абсталявання. Машына-трактарны парк каледжа ўвесь час абнаўляецца.

Навучэнцы маюць магчымасць займацца ў 18 творчых аб'яднаннях: адукацыйнай, тэхнічнай і мастацкай творчасці, мастацкай самадзейнасці, спартыўных секцыях. Каманды каледжа па баскетболе і валейболе неаднаразова станавіліся пераможцамі абласных спаборніцтваў.

Работы вучняў, выкананыя на занятках творчых аб'яднанняў тэхнічнай і мастацкай творчасці, не аднойчы займалі прызавыя месцы на абласных і рэспубліканскіх выставах і аглядах.

Ансамбль народнай песні "Верасок", калектыву якога ў 1995 годзе было прысвоена званне "Народны", вядомы не толькі жыхарам горада і раёна, але і рэспублікі.

Каледж па праве ганарыцца сваімі шматгадовымі традыцыямі, сярод якіх конкурсы прафесійнага майстэрства, спартыўнае свята "Алімпія", агляд мастацкай самадзейнасці "Таленты каледжа", тэматычныя дні прафілактыкі СНІДу, Некурэння, Дзень Зямлі, акцыя добрых спраў "Перадай дабро па коле" і іншыя.

Падрыхтоўку будучых рабочых па спецыяльных і агульнаадукацыйных дысцыплінах вядуць высокакваліфікаваныя спецыялісты - 21 выкладчык і 30 майстроў вытворчага навучання. Усе выкладчыкі і 6 майстроў вытворчага навучання атрымалі вышэйшую адукацыю; 12 выкладчыкаў і 1 майстар маюць вышэйшую катэгорыю, 5 выкладчыкаў і 22 майстры - першую; другая катэгорыя прысвоена 3-м майстрам і 3-м выкладчыкам. Пакуль без катэгорыі 1 выкладчык і 2 майстры. Увесь штат каледжа складае 132 чалавекі.

У каледжы працуе шмат таленавітых, творчых, ініцыятыўных работнікаў, якія неаднаразова станавіліся пераможцамі розных абласных і рэспубліканскіх конкурсаў.

Праца педагога і майстра вытворчага навучання патрабуе вялікага запаса духоўнай энергіі, душэўнай шчодрасці, цярпення, адказнасці. І як прыемна ўсведамляць, што нашы веды і вопыт дапамагаюць учорашнім вучням устаць на ногі, знайсці сваю дарогу ў жыцці, стаць майстрамі сваёй справы.

Віртуальная экскурсія па каледжы