|
На галоўную старонку
Версія для людзей са слабым зрокам
РУС
БЕЛ
УСТАНОВА АДУКАЦЫІ
|
|
Гістарычная даведка
Пакуль у прасторы кружыцца планета,
На Століншчыне, у глыбіні беларускага Палесся, прафесійна-тэхнічная адукацыя атрымала развіццё ў 40-я гады, калі на базе мэблевай фабрыкі "Вызваленне" была арганізавана школа фабрычна-завадскога навучання (ФЗН) № 35. Нажаль, школа функцыянавала толькі з кастрычніка 1940 года па жнівень 1941 года; за гэты час было падрыхтавана 150 спецыялістаў па спецыяльнасцях "Сталяр-будаўнік", "Абліцоўшчык". У далейшым прафесійна-тэхнічная адукацыя ў раёне не развівалася, і толькі ў адпаведнасці з распараджэннем Савета Міністраў Беларускай ССР нумар 305р ад 12 красавіка 1979 года, на падставе загада нумар 205к ад 6 ліпеня 1980 года Дзяржаўнага камітэта Беларускай ССР па прафесійна-тэхнічнай адукацыі, загада нумар 167 ад 19 лютага 1982 года абласнога ўпраўлення прафесійна-тэхнічнай адукацыі было створана Столінскае сярэдняе сельскае прафесійна-тэхнічнае вучылішча № 69 будіндустрыі (ССПТВ-№69), дырэктарам якога быў прызначаны М.І. Ляшук. 20 верасня 1982 года адбылося ўрачыстае адкрыццё Столінскага ССПТВ № 69, які расчыніў свае дзверы для навучання першым 170 навучэнцам па трох спецыяльнасцях: "Слесар па рамонце кантрольна-вымяральных прыбораў і аўтаматыкі", "Электрамацёр па рамонце прамысловага абсталявання", "Абліцоўшчык-плітачнік". З 1984 г. пачалася падрыхтоўка навучэнцаў па прафесіі "Электрагазазваршчык". У ходзе рэформы агульнаадукацыйнай і прафесійнай школы загадам Дзяржаўнага камітэта Беларускай ССР ад 4 ліпеня 1984 года і загадам упраўлення адукацыі Брэсцкага аблвыканкама ад 24 красавіка 1985 г. № 50 Столінскае ССПТВ-69 перайменавана ў ПТВ №164 меліярацыйнага будаўніцтва. У гэтым жа годзе быў прызначаны новы дырэктар І.І. Андрэйчук, які кіраваў вучылішчам да 1999 года. Улічваючы хуткія змены на рынку працы, калектыў вучылішча прыступіў да падрыхтоўкі навучэнцаў па новых прафесіях, навучаючы іх сумежным і дадатковым спецыяльнасцям. З 1992 года ў ПТВ пачалі рыхтаваць майстроў сельскагаспадарчай вытворчасці (фермераў-арандатараў). З 1993 года пачалося навучанне дзяўчат па прафесіі "Гаспадыня сядзібы". У 1995 годзе вучылішча аб'яўляе набор навучэнцаў па зусім новых для нашага раёна прафесіям: "Сталяр-будаўнік, станочнік дрэваапрацоўчых станкоў, разьбяр па дрэве" (тэрмін навучання 3 гады) і "Інкрустатар саломкі з элементамі пляцення" (тэрмін навучання 1 год). 31 кастрычніка 1995 года загадам упраўлення адукацыі Брэсцкага аблвыканкама № 165 профіль вучылішча мяняецца, і яно атрымлівае найменне "ПТВ-164 с/г вытворчасці". Пачынаючы з 1998 года ў вучылішчы ажыццяўляецца падрыхтоўка спецыялістаў па прафесіі "Швея, кравец" (тэрмін навучання 1 год). У 2003 годзе ўпершыню набрана група дзяўчат для навучання па прафесіі "Кухар". Са жніўня 1999 года дырэктарам вучылішча прызначаны Р.А. Казубоўскі. 20 чэрвеня 2008 года вучылішча перайменавана ў Столінскі дзяржаўны прафесійны ліцэй сельскагаспадарчай вытворчасці, а 9 жніўня 2022 года ў УА "Столінскі дзяржаўны аграрны каледж". |
||
| E-mail: ptu164@brest.by | ||