Дадатковае назапашвальнае пенсійнае страхаванне з падтрымкай дзяржавы (праграма "тры плюс тры")

З 1 кастрычніка 2022 г. ўвёўся новы від добраахвотнага пенсійнага страхавання - добраахвотнае страхаванне дадатковай назапашвальнай пенсіі (праграма "тры плюс тры").

У чым перавага новага пенсійнага страхавання

Галоўнае адрозненне новай праграмы страхавання ад іншых назапашвальных пенсійных праграм страхавых арганізацый - дзяржаўнае суфінансаванне.

Яно заключаецца ў тым, што работнікам, якія прымаюць рашэнне ўдзельнічаць у новай праграме і з 1 кастрычніка 2022 г. выплачваюць са сваёй заработнай платы дадатковы ўзнос на будучую назапашвальную пенсію, частка ўзносаў на гэту пенсію будзе аплачана з дзяржаўных сродкаў.

Тарыф назапашвальнага ўзносу

• для работніка - ад 1 да 10 адсоткаў (уключна) ад заработнай платы.

Дадатковы ўзнос на назапашвальную пенсію па выбраным тарыфе работнік выплачвае разам з абавязковым 1‑працэнтным ўзносам у бюджэт фонду сацыяльнай абароны насельніцтва.

• для працадаўцы - суразмерна ўзносу работніка, але не больш за 3 адсоткi.

У выпадку ўдзелу работніка ў новай праграме страхавання яго працадаўца абавязаны выплачваць дадатковы ўзнос на назапашвальную пенсію гэтага работніка.

Пры гэтым агульны ўзнос працадаўцы на сацыяльнае (пенсійнае) страхаванне не павялічыцца. Для яго будзе адпаведна зменшаны тарыф абавязковага 28-працэнтнага страхавога ўзносу на пенсійнае страхаванне ў бюджэт фонду сацабароны.

Перадача часткі ўзносу працадаўцы (да 3%) у пенсійныя накапленні работніку - гэта выпадаючыя даходы бюджэту фонду сацабароны. Таму дзяржава прымае на сябе абавязацельствы па захаванні даходаў бюджэту фонду для забеспячэння выплаты бягучых пенсій у рамках салідарнай пенсійнай сістэмы. У гэтым і заключаецца механізм дзяржаўнага суфінансавання новай праграмы добраахвотнага страхавання дадатковай назапашвальнай пенсіі па Указе № 367.

Хто можа ўдзельнічаць у праграме

Права ўдзельнічаць у новым страхаванні даецца работнікам (грамадзянам, якія працуюць па працоўных і (або) грамадзянска-прававых дагаворах, прадметам якіх з'яўляюцца выкананне работ, аказанне паслуг і стварэнне аб'ектаў інтэлектуальнай уласнасці), за якіх іх працадаўцамі выплачваюцца абавязковыя ўзносы у бюджэт фонду сацабароны.

Уступаць у новую праграму страхавання можна не пазней, чым за тры гады да дасягнення агульнаўстаноўленага пенсійнага ўзросту.

Парадак уступлення ў новую праграму і ўдзел у ёй

Добраахвотнае страхаванне дадатковай назапашвальнай пенсіі па Указу № 367 будзе ажыццяўляцца рэспубліканскім унітарным страхавым прадпрыемствам "Стравіта" (страхоўшчык).

Работнікі, якія жадаюць фармаваць дадатковую назапашвальную пенсію, пачынаючы з 1 кастрычніка 2022 г. могуць падаць заяву і заключыць дагавор непасрэдна ў страхоўшчыка або ў электронным выглядзе праз афіцыйны сайт страхоўшчыка.

Дадатковыя ўзносы на назапашвальную пенсію ў дзяржаўнае прадпрыемства "Стравіта" будуць штомесяц пералічвацца працадаўцам па заяве работніка.

Работнік мае права мяняць тарыф узносу на назапашвальную пенсію, але не часцей за 1 раз у год. Таксама можна ў любы момант спыніць свой удзел у праграме і затым аднавіць выплату дадатковых узносаў.

Пры дасягненні агульнаўстаноўленага пенсійнага ўзросту страхоўшчыкам работніку штомесяц будзе выплачвацца дадатковая назапашвальная пенсія на працягу 5 або 10 гадоў (па выбары грамадзяніна).

Памер будучай назапашвальнай пенсіі

Памер назапашвальнай пенсіі будзе вылічацца з сум дадатковых узносаў з улікам даходаў ад іх інвеставання (па прынцыпе - колькі назапасіў, столькі і атрымаў).

Дэталёвую інфармацыю аб магчымых памерах будучай назапашвальнай пенсіі, а таксама аб працэдуры ўдзелу ў добраахвотным страхаванні дадатковай назапашвальнай пенсіі па Указу № 367 можна атрымаць у страхоўшчыка - дзяржаўнае прадпрыемства "Стравіта".

Што дае работніку ўдзел у пенсійным страхаванні па Указу № 367

• даступны і зразумелы механізм своечасовага зберажэння сродкаў на старасць з фінансавай падтрымкай дзяржавы. Пры ўступленні работніка ў праграму ўзносы на яго будучую назапашвальную пенсію на 30-50 адсоткаў будуць аплачаны з дзяржаўных сродкаў.
• права на льготу па падаходным падатку. Так, работнікам даецца права на атрыманне сацыяльнага падатковага выліку на суму выплачаных за кошт сродкаў работніка страхавых узносаў на будучую назапашвальную пенсію. Гэта азначае, што памер заробку работніка, з якога працадаўцам вылічаецца падаходны падатак (13%), будзе паменшаны на велічыню страхавога ўзносу, выплачанага за кошт сродкаў работніка.

Дадатковыя назапашвальныя пенсіі таксама вызваляюцца ад падаходнага падатку з фізічных асоб.

• магчымасць атрымання ў спадчыну пенсійных назапашванняў.
• гарантыя захаванасці пенсійных назапашванняў. Ажыццяўленне добраахвотнага страхавання дадатковай назапашвальнай пенсіі ўскладзена на дзяржаўную страхавую арганізацыю - дзяржаўнае прадпрыемства "Стравіта". Дзяржава гарантуе страхавыя выплаты па дагаворах страхавання, заключаных гэтым страхавым прадпрыемствам.
• уступленне работніка ў новую праграму ніяк не адаб'ецца на яго дзяржаўнай працоўнай (салідарнай) пенсіі. Яе памер будзе вызначацца па тых жа правілах, што і ў работнікаў, якія не ўдзельнічаюць у добраахвотным страхаванні, - зыходзячы з паказчыкаў стажу і заробку да звароту па пенсію.

Дадатковая інфармацыя аб добраахвотным страхаванні дадатковай назапашвальнай пенсіі размешчана на сайце Фонду сацыяльнай абароны насельніцтва Міністэрствы працы і сацыяльнай абароны.